كيفاش تختار سيرفر فـ IzOne Max: 5 نصائح باش تلقى اللي خدام عندك

فـ IzOne Max كاينين بزاف ديال السيرفرات والبروتوكولات. هاد التنوع مزيان، ولكن كيخلّي السؤال: منين نبدا؟ هاد المقال كيعطيك طريقة مرتبة باش تجرّب.

1. بدا من التاب «ليك»

إلا عطيتي التطبيق الإذن ديال الهاتف، كيقرا غير السمية ديال الشركة من الشريحة (اتصالات المغرب، إنوي، أورنج ولا WIN)، وكيطلّع ليك السيرفرات المقترحة ليها هي اللولين.

هادا ترتيب باش تلقى الأقرب ليك بالزربة، ماشي ضمانة. وإلا ما عطيتيش الإذن، التطبيق كيخدم عادي وكيرتب السيرفرات بلا اقتراح.

2. ختار سيرفر فيه النقطة الخضرا

النقطة الخضرا كتعني بلي السيرفر خدّام دابا. بدا بيهم قبل الآخرين.

3. بدّل البروتوكول إلا ما دازش

ماشي كل شبكة كتقبل نفس الطريقة. التطبيق كيخدم بـ VLESS وTrojan وSSH وSSH-TLS وSSH-WS وOpenVPN وV2Ray وVMess. إلا كنتي متصل والانترنت ما دايزاش، جرّب بروتوكول آخر (مثلا من Trojan لـ SSH).

4. استعمل سجلّ الاتصال

من المنيو، «سجلّ الاتصال» كيوريك شنو كيوقع مباشرة، مع Ping وDNS باش تعرف واش المشكل فالشبكة ولا فالسيرفر.

5. خلّي التطبيق برا «توفير البطارية»

شي تيليفونات كيوقفو التطبيقات باش يوفرو البطارية، وهادشي كيقطع الاتصال ملي كتطفي الشاشة. خرّج IzOne Max من «توفير البطارية» فالإعدادات ديال التيليفون.

وسيرفرات المجتمع؟

كاين حتى «مجتمع سيرفرات VPN»: سيرفرات كيزيدوها المستعملين براسهم، وتقدر تفلترهم بالبلاد وبالشركة وتشوف شحال من اتصال نجح ولا فشل.

هاد السيرفرات ماشي ديال IzOne Max. اللي داير السيرفر يقدر يشوف الترافيك ديالك، داكشي علاش ما تدخلش للبنك ولا للحسابات المهمة من سيرفر ما واثقش فيه.

الخلاصة

النتيجة كتبقى مربوطة بالشبكة ديالك: السيرفر اللي خدام اليوم يقدر ما يبقاش غدا، وهادشي علاش التطبيق كيعطيك بزاف ديال الاختيارات. باش تفهم علاش، قرا الفرق بين انترنت نجمة 6 وانترنت نجمة 3.